أكد الإعلامي أحمد شوبير، حارس مرمى منتخب مصر السابق، أن النادي الأهلي بإمكانه التتويج بالدوري بمجهوده ودون مساعدة من أحد. وقال شوبير في برنامجه الإذاعي عبر "أون سبورت": "كل ما يتكلموا عن الدوري يقولوا راجع عشان الأهلي، إيه العلاقة بين الأهلي وعودة الدوري، رؤساء الأندية بيقولوا هنغرم ملايين بسبب الأهلي، هو الأهلي ماله ولا ذنبه أن بيدور على الحق".وأضاف شوبير "الدنيا اتشقلب حالها بدل ما نصفق للمجتهد ونقوله برافو بنهاجمه، الأهلي مش عايز حد يديه الدوري، الأهلي بياخد الدوري بمجهوده

وبإنجازاته وسواعد لاعبيه، مش محتاج مساعدة من حد، لو فقدتوا الأمل في التتويج بالدوري فكروا حتى تكسبوا مباراة الأهلي".وتابع حارس الأهلي السابق "يا بشوات الدوري المغربي راجع، والأندية اللي هتقابلوها في أفريقيا هترجع وتبقى جاهزة فنيا وبدنيا هتعملوا إيه ساعتها، الكاف قال لازم الفرق الأربعة يعملوا مسحات كورونا ويستعدوا لأنه مش هيلغي أو يأجل بطولاته".وعن أول مران للأهلى علق شوبير "أرضية التتش شكلها حلو باين إنها اتجهزت صح في فترة التوقف، ورمضان صبحي عامل نيولوك كريستيانو رونالدو، وفي تباعد ومسافات صح، في ناس شغالة وبتفكر".وأضاف أحمد شوبير "أكتر حاجة كانت بتوجعني الفترة اللي فاتت كلمة صلوا في رحالكم، دلوقتي من حقنا نرجع المساجد، وواحدة واحدة هترجع صلاة الجمعة ولسه في ناس بتهاجم عودة الحياة".

قد يهمك ايضا

الموافقة رسميا على استئناف الدوري البحريني منتصف تموز

لاعب اتحاد طنجة ينتقل إلى الدوري البحريني