الرباط - الدار البيضاء
طمأنت الفنانة المغربية منال الصديقي متابعيها عن صحتها عبر نشرها تدوينة مطولة بحسابها الرسمي ب موقع تبادل الصور والفيديوهات.و كتبت منال:”من بعد آخر سطوري لي نزلت ولبارح توصلت ببزاف ديال الميساجات من عند الأصدقاء و الصديقات و المتابعين الأعزاء كيسولو فيا جاوبت على لي قدرت عليه و كان السبب ديالو أنني لقيت ورم فالثدي ديالي الثاني، الي خلاني نقطع العطلة د العيد و نرجع كنجري لكازا باش نشوف أقرب موعد مع الدكتور ديالي فالرباط و ندوز عليه خصوصا أني أهملت الكنترول ديالي فالسنوات الأخيرة”.
و واصلت :” الشيء الي خلاني نرجع بالذاكرة ديالي قبل ست سنوات و ندوز نفس المراحل فالكشف، و الفرق لي كان أن وقتها كانت ماما الله يرحمها واقفة معايا فكل خطوة فالمستشفى، و دابا كنت بوحدي الشيء الي خلاني نتحسر و نتألم نفسيا”.و أضافت :” البارح جاتني النتائج ديال الماموغرافي جينيكو و الإيكو أن الورم حميد و غير خبيث و مافيه خطر عليا في انتظار باقي النتائج المفرحة لباقي تحاليل الدم و المناعة”.
و اختتمت :”دابا الحمد لله الامور على ما يرام لحد الان، شكرا بزاف عائلتي أصدقائي و المتابعين الأعزاء على سؤالكم عني و رسائلكم و اهتمامكم ربي ما يضركم فصحتكم ولا حبيبكم ولا فقريبكم، و شكر خاص للطاقم الصحي الي كيهتم بالمواطن فكل الظروف”.و يشار أن الفنانة المغربية نشرت سابقا تدوينة بنفس المنصة تشارك جمهورها حزنها، كونها كانت تمر بظروف صحية ونفسية صعبة.
قد يهمك ايضا: