القاهره _الدار البيضاء اليوم
أبدى المطرب المصري محمد نور، سعادته بنجاح أغنيته الجديدة "جاني في ملعبي"، مشيرًا إلى أنها حققت نسب مشاهدة جيدة، وأنه لم يتخوف من طرحها في هذا التوقيت والمنافسة مع الهضبة عمرو دياب والنجم الإماراتي حسين الجسمي، اللذين طرحا مؤخرًا أغنيتي "أماكن السهر" و"بالبنط العريض"، وحققا نجاحًا ساحقًا.وقال نور: "إحنا فكرنا إننا نعمل أغنية مختلفة عن كل اللي أنا عملته قبل كده، من حيث اللحن والتوزيع، رحنا لـ عزيز الشافعي، عملنا غنوة مطرقعة وصورناها مع المخرجة بتول عرفة والحمد لله نزلت وعملت مشاهدات كتير والناس عجبتها جدا". وأضاف: "أنا مخوفتش من المنافسة بالعكس السوق فاضي جدًا، في 4 أو 5 أغاني بس.. إحنا من 5 أو 6 سنين كنا بنلاقي 10 ألبومات بتنافس في السوق".وتابع: "السوق يستحمل 20
أغنية تاني، الواحد بيسمع 3 أو 4 أغاني بس ضاربين وبيفضل يعيد فيهم.. فالناس محتاجة تسمع أغاني جديدة".وعن تحضيره للغناء باللهجة الخليجية قريبًا، قال محمد نور: "عندي أغنية خليجية من كلمات الأمير عبد الله بن سعد وعاملين لحن حلو أوي وتوزيع محمد شفيق وهتنزل الأسبوع الجاي، أنا بتكلم خليجي واللكنة مش قلقان منها". وبسؤاله عن جديده في عالم التمثيل، قال: "في رمضان الجاي عندنا حاجة دراما لأول مرة وادعولي إن شاء الله تبقى تجربة كويسة".وبشأن ألبومه الغنائي الجديد، قال: "عندي ميني ألبوم 8 أغاني شغال عليه ممكن ينزل أول السنة الجديدة.. وعاملين أغاني مختلفة إن شاء الله تعجبكم".وكان الفنان المصري محمد نور قد صرح في وقت سابق، بأنه استفاد كثيرًا من الفترة الماضية التي التزم فيها الجميع بالحجر المنزلي بسبب انتشار فيروس كورونا، مشيرًا إلى أنه تمكن من التركيز بشكل أكبر في عمله. وقال نور: "دايمًا بييجي وقت نقول فيه إمتى بقى نفضى ولو كام يوم علشان نعمل اللي إحنا عاوزينه، دايمًا بيكون في حفلات وتصوير".وأضاف: "دي أول مرة يكون في 3 أشهر مرتاح وفي وقت أعمل فيه اللي أنا عاوزه، أعرف أنام، أعرف أقعد مع أهلي وأركز في شغلي، وأنا عن نفسي استفدت جدًا من الفترة دي واشتغلت على الألبوم الجديد".
قد يهمك ايضا