القاهر _ الدار البيضاء اليوم
كشف الفنان المصري محمد عز، تفاصيل مشاركته في بطولة مسلسل "ورد" مع مواطنته حنان مطاوع، والمقرر عرضه في دراما رمضان المقبل.وقال عز أن: "مسلسل (ورد) اجتماعي شعبي، حدوتة حلوة من أستاذ فتحي الجندي، بعمل دور حمدي، محامي عنده أصول وقيم ومبادئ".وأضاف: "دوري في المسلسل مختلف تمامًا عن دوري في (ضربة معلم) مع محمد رجب، أول ما قرأت الورق انبسطت، لإنه نقلة تانية" وعن المنافسة في دراما رمضان، وكيف يراها؟!، قال: "أنا مش بهتم بالمنافسة في رمضان، أنا بقدم فن وحاجة تبسطنا، الموضوع مش مستاهل منافسة أبدًا".وعن إطلالته وارتدائه النظارة الطبية، قال: "ده لبس الشخصية، أنا داخل مشهد وده اللوك الي هظهر بيه في المسلسل".وعن التنوع في أدواره بين الخير والشر، قال: "أنا بحب التمثيل،
هي دي المتعة في الشغلانة والفن، لو بقدم حاجة واحدة مش هستمتع، بحب الأدوار اللي تستفزني وفي الآخر أنا فنان، والفن تجربة، لازم أفضل أجرب وأعمل كل أنواع الشخصيات". وأكمل: "أتمنى كل اللي بعمله يعجب الناس، لكن مش دايمًا هيحصل، الفن مش كده، مش كل الأعمال اللي هقدمها هتنجح، أنا أتمنى النجاح وبطلب من ربنا التوفيق".وعن تعاونه مع الفنانة حنان مطاوع: "مسلسل ورد هو تاني تعاون بيني وبين حنان، بعد مسلسل لمس أكتاف، أنا فخور جدًا إني شغال معاها، نجمة وممثلة مهمة وتشرف، بتخلي الممثل اللي قدامها طول الوقت يطلع أقصى حاجة عنده". يذكر أن محمد عز سبق وعلق على وجود موجة ثانية لفيروس كوروناقائلًا: "والله موجة تانية موجة تالتة ربنا يسترها علينا، إحنا بنلبس الكمامة وبنغسل إيدينا وبنحاول منقعدش في زحمة وربنا يسترها علينا".وعن مجال الغناء وإمكانية احترافه قريبًا، قال: "كل ما بكون فاضي بعمل أغنية، أنا واخدها هواية فقط، أنا ممثل وبحب الغناء بس مش أكتر".محمد عز نجح في وضع اسمه ضمن المواهب المطلوبة في دراما رمضان، خلال السنوات الماضية، من خلال ظهوره بأكثر من عمل، أبرزها مع الفنان محمد رمضان في "نسر الصعيد"، و"كلبش" و"الاختيار" مع أمير كرارة.
قد يهمك ايضا