خالد الصاوى يشكو متاجرة إحدى صفحات الفيس بوك به وبمسلسله

نفى الفنان خالد الصاوى ما نشرته احدى صفحات الفيس بوك عن تواصله مع محبيه من خلالها،مؤكدا أنه أشتكى لمنتج مسلسل”تفاحة آدم” جمال العدل من حملها ايضا أسم العمل.
وعب ر رصفحته الشخصيه بموقع فيس بوك ،كتب الصاوى، امسك كداب،الصفحة دي لا تتبع شركة العدل جروب، ولا تتبعني ولا علاقة لها بمسلسل تفاحة آدم ،وكان ممكن نحبها ونشكر صناعها لاحتفائهم بالمسلسل ،لولا اننا لقينا انهم كاتبين اني برد بنفسي عالناس عالصفحة عندهم ،وكمان عاملين موعد حكلم الناس فيه ،وده طبعا من غير علمي أساسا.
وأضاف. الشغل ده مايخرجش من حد محترم، ده حد عاوز يعمل سبوبة على قفايا أو يستغل اسمي في أي شيء يسيء لي لاحقا، وأيا ما كانت مبررات الكداب فهو كداب وغشاش ولأن من غشنا ليس منا فأنا بغسل إيديا تماما من الصفحة دي وجاري الإبلاغ عنها.
وعلى الصفحه التى أبلغ عنها كتب ايضا.ايه الكدب ده؟ من اللي بيتكلم وبيقول اني برد بنفسي هنا؟ انا مش بطيق الكدب على الجمهور وجاري فورا الاتصال بشركة العدل جروب لمعرفة من المسئول عن الكدبة دي ومحاسبته لو كانت الصفحة تتبع الشركة، اما لو كانت لا تتبع الشركة فهما كانت نوايا صناعها حنشر من خلال صفحاتي ومن خلال مكتبي وموقعي انكم كاذبون..