الفنان أحمد حلمى ينفي لقائه بنجم منتخب الأرجنتين ليونيل ميسى

نفى الفنان  أحمد حلمى أن يكون إلتقى نجم منتخب الأرجنتين ليونيل ميسى خلال تصوير الإعلان الخاص بشركة البطاطس الشهيرة،موضحا انه قصد الإشارة لمشاركته مع اللاعب فى الإعلان فقط.
وعبر صفجته بموقع فيس بوك كتب حلمى.انا مقولتش اني قابلت ميسي، ولا حتي شفته ، انا قولت “ده اعلاني الجديد مع ليونيل ميسي” ، إنما كل واحد مننا صور الجزء بتاعه في بلده ، وده الطبيعي اللي بيحصل في الاعلانات اللي بيكون فيها كذا شخصيه من جنسيات و دول مختلفه، ممكن تكون غلطتي اني موضحتش طريقة عمل الاعلان ،بس ده لاني تخيلت ان دي حاجه ممكن تكونوا عارفينها .
وأضاف “وعلي فكره في اعلانات كتير أجنبيه اتصورت بالطريقه دي برضه ، بس طبعا كله لازم يكون بالاتفاق والموافقه مع كل الاطراف اللي هتظهر في الاعلان ، يعني كل واحد لازم بيبقي عارف مين الشخصيه اللي هاتظهر معاه في الاعلان، ولازم يكون موافق عليها كمان ، والا كان بقي زمان كل واحد راح عمل اعلان لنفسه حط فيه كل نجوم العالم”.
وأكمل “علي فكره انا لما عملت الصفحه دي عملتها علشان اكون متواصل معاكوا ، مش علشان اخدعكوا .. لان اخر حاجه ممكن اعملها في حياتي ،هي اني اخدعكوا او اضحك عليكوا .. لاني قبل ما اخدعكوا هاكون بخدع نفسي .