بشرى تؤكِّد أنّها مريضة ربو وتكشف عن خوفها مِن التقاط عدوى "كورونا"

أكدت الفنانة المصرية بشرى أنها تواصل تصوير مسلسلها الرمضاني الجديد "قمر آخر الدنيا"، رغم المخاطر التي يمكن أن تتعرض لها بسبب انتشار فيروس كورونا المستجد وخوفها على عائلتها خاصة وأن أعراض المرض دائمًا ما تكون كامنة.
وبررت خروجها في أوقات غير الحظر للتصوير رغم انتشار كورونا، قائلة: "مش مضطرة أنزل أشتغل، ممكن أقعد في بيتي مع ولادي خاصةً إن المسؤوليات زادت عن العادي وبقيت بشتغل مدرسة كمان وده حمل أكبر عليا بس بنزل عشان الراجل اللي دافع فلوس في مسلسل وابتدي شغل قبل انتشار الفيروس ميخسرش".
وتابعت بشري، في بث مباشر مع متابعيها عبر حسابها في إنستغرام، إنها خائفة للغاية وتتمنى أن تجلس في منزلها ولا تخرج نهائيًا منه، كاشفةً عن طبيعة مرضها الذي يمنعها من الغناء فقالت: "أنا مريضة ربو وعندي أزمة تنفسية طول السنة".
وأكدت أنَّ المسلسل الذي تقوم بتصويره يستحق أن يخرج للنور فقالت: "العمل اللي بنعمله مهم لرمضان فيه روح صلات الأرحام وبنوطد من خلاله العلاقات مع الآخرين وده إحنا محتاجينه".
وتابعت بشرى: "أنا أقدر أستحمل وأكفي نفسي من المدخرات، بس كمان في عمال إضاءة وديكور ونضافة شغلتهم موسمية زيي ومش عاملين حسابهم على القعدة دي ومعندهمش مصدر رزق تاني".
وأكدت أن مهنة التمثيل في مصر تعيش في حالة من التخبط منذ عامين، مبينةً: "في ناس بقالها سنتين قاعدين في بيوتها، وفي ناس متقدرش تستمر كده".
وأضافت الفنانة المصرية قائلةً: "مش معنى إننا بنشتغل وبنكمل تصوير يبقى نتشتم أنا مش هقبل الشتيمة من حد، إنت بتنتقدني ليه مش من حقك، أنا كل يوم بخاف أكون لقطت عدوى من حد وأضر أهلي وفي ناس مناعتها قوية مش بتبان عليها الأعراض ممكن ينقل الفيروس".
وأردفت بشرى: "بحتاج تنفس من فترة للتانية، وده اللي بيخليني مبغنيش طول السنة عشان أزمة في النفس، وبحاول أغني في الوقت اللي بكون بقدر فيه".
وتحدثت عن الأجور التي يحصل عليها الفنانون قائلة: "اللي بياخدوا ملايين من الفن معدودين على الصوابع وبياخذوا هذه الأرقام لأسباب هي جلب الأعلانات لأن الدعاية على أسمائهم تأتي بإعلانات أكبر"
وأكدت أن عددا كبيرا من الفنانين يحصل على أرقام ضئيلة، فقالت: "بسبب الأجور الكبيرة أصبحنا نقلل من الجودة، والباقين يتقاضون مبالغ قليلة للغاية وربما يتم تقاضيها على سنوات، وأنا كفنانة باخد فلوس المسلسل على دفعات".
وردّت على اتهامها وزملائها الفنانين بشأن ما يروجون له من تبرعات فواصلت قائلة: "إحنا في أيام مفيهاش مزايدات، الكل متساوى بسبب كورونا مفيش أفضلية لحد دي رسالة ربنا بعتهالنا إن كلنا في نفس المأساة".
واستطردت: "أرجوكم متخلوناش نندم إننا نستخدم العطية اللي ربنا أعطاها لينا وإحنا بنسخرها للخير ومتخلوناش نندم إننا بنخرج في فيديوهات نساعد بيها ملايين الناس من خلال مؤسسة خيرية وخلافه هذه نقوم بها ليست متاجرة بأحد ولا نتبرع دائمًا ولكن ربما نعين من خلالها الغير على مراعاة الآخرين.
ووجهت طلبها للجمهور قائلة: "أرجو الناس متشتمناش وإحنا بنعمل حاجة كويسة شجعونا عشان نكمل ومتحقروش من قيمة اللي بنعمله، يمكن أنا مش مقتدر إني أدفع بس غيري مقتدر ومن خلال الفيديو بتاعي يتبرع، فبلاش تصفية حسابات".
ووجّهت الشكر لطاقم التمريض والأطباء الذي يعمل على علاج مصابي كورونا فقالت: "دول نرفع لهم القبعة، ومن يمرض منهم ويدخل العزل الصحي وأي طبيب دلوقتي وأي ممرض يعمل في حقل الصحة ربنا يعينه ندعيلهم عشان عندهم أسر وأهالي".
وأشارت إلى أن الفساد أصبح كثيرًا في السنوات الأخيرة، موضحة: "نرجو إعادة النظر في ذلك ممكن الناس تراجع قراراتها أنواع الفساد كتير وممكن يكون في رشاوى وعدم عمل بضمير وهذا يسمى فساد".
وردّت على آخر طالب بإلغاء مسلسلات رمضان فقالت: "ليه تتلغي قولي وجهة نظرك أنا مش مع إن يكون في موسم واحد طول السنة في رمضان وفعلًا بقى في مسلسلات طول العام ومنصات إلكترونية".
وأوضحت: "بش مش كل الشعب المصري بيكون عنده المقدرة على المشاهدة أونلاين، وفي ناس بتاخد المعلومة من الراديو والتلفزيون العادي إحنا مش عايشين في الكوكب لوحدنا".

وقد يهمك أيضا :

يسرا تُؤكِّد أنّها فشلت مع عادل إمام وواجهت شبح "اللوكيميا" بمفردها

نجوى كرم تُدخل البهجة على عزلة "كورونا" وتطرح الأسئلة الكوميدية على متابعيها